哈囉~強


 
標題: 獅子FUN FUN渡假屋之峰迴路轉冰箱失縱事件2018/6/2-3
jojo
百公里大地主
Rank: 8Rank: 8


UID 11
精華 0
積分 2937
帖子 2937
閱讀權限 150
註冊 2007-3-6
狀態 離線
發表於 2018-6-6 20:32  資料 文集 短消息 
獅子FUN FUN渡假屋之峰迴路轉冰箱失縱事件2018/6/2-3

事隔五年, 終於抽到朝思夢想的獅子渡假屋.  預備好成堆肉入冰箱, 一早入荃灣買海鮮,生果雜物之類, 東涌再會合一齊買野. 先後打的去渡假屋. 林生/德/我連冰箱雜物一架的士.

以為將所買回來的野拎左入屋, 點知隔左個鐘才發現唔見左個冰箱, 冰箱是老媽留落來, 都有近20年, 每次去BBQ都有帶去.  阿德記得好清楚個司機姓名, 但沒車牌NO始終難向CALL台尋果架的士,  唯一只諗到飛番出去買番肉.

大文/林生/我再打的出東涌, 阿德留守係渡假屋, 看事態或等的士司機出現.

頭同林生/大文各在在荃灣及旺角撲肉, 途中不斷WHATSPP 有否新消息, 我由旺角回到東涌時, 大隻/BENNY/德/JESS係東涌的士站恭侯 , 話剛才等到載我地入渡假度的士, 但搜查過的士後車尾箱又沒有. 哇! 即時好撲朔迷離, 個冰箱入左結界, 好可能留底在渡假屋外被隔離地盤的工人拎走又或其他渡假屋營友.

大隻/BENNY/德/JESS打的又回渡假屋試找, 我等林生/大文由荃灣回東涌.

我地差唔多回到渡假屋時, JESS CALL我話個箱會送緊回來!!

峰迴路轉個迷團由XX4980司機解釋是這樣:

大嶼山只得100部的士, 德在的士出東涌途中向叧一位司機索料, 幸運地, 終於索到載我地入渡假屋司機的車牌NO.XX4980 , 由CALL 台搞大件事, 那位XX4980司機最終車返個冰箱及解釋話, 接完我地去渡假屋, 跟住車幾個鬼上車, 拎錯我地個冰箱, 後知拎錯就是但比番個藍的的士上. 轉接比番XX4980. 大隻比左$100 TIPS.  失而復得..

但經分析, XX4980司機好大機會大話連篇!!!!

不過總算有個一段小插曲. 沒了大半天, 出左下長沙海灘玩航拍, 藍天白雲加海水, 好清好靚.

7時等埋TOMMY 大神就大塊血, 大碗酒, 吹水9UP到零晨.

第二日, 食過早餐一陣, 行行跑跑上伯公坳, 狀態唔好, 行上都辛苦. 回來準備埋午餐, 長腳話有事,早交匙, 3幾就離開, 真唔捨得咁早走. 下次抽到星期五晚要入.

當兩日三餐加租金每人$400都扺.  
豐富美食, 硬係有羊架, 豬筋骨, 醬汁燒大鱔, 炒蜆, 蝦碌, 雞翼, 司華力腸, 仲有餐前涼菜, 芝士焗磨菇 蓮蓉焗布甸. 蕃薯糖水

早餐西冷, 焗頭, 厚多士, 炒蛋.

午餐PIZZA, 涼菜, 飛碟, 公仔麵
頂部
 


當前時區 GMT+8, 現在時間是 2018-10-23 19:28

  本論壇支付平台由支付寶提供
攜手打造安全誠信的交易社區 Powered by Discuz! 5.0.0  © 2001-2006 Comsenz Inc.
Processed in 0.026718 second(s), 6 queries

清除 Cookies - 聯繫我們 - 哈囉~強 - Archiver - WAP