一早起身,食定糯米雞準備上山
。本來諗住秋高氣爽有運行,點知大腿肌肉好緊,扯住扯住。好彩氣溫實在適宜行山,10:05就到針頂。
如預計一樣,今日好少行山人,大概係賽前休息週的原故。一路上只越過七八個人,從針到草花了38分鐘,10:43到達。一口氣衝落鉛礦凹,10:51到亭,第七段需時1hr12min。
在鉛礦凹只係休息幾分鐘,就一邊咬住朱古力威化一邊上路。
上大帽山仲少人得可憐,只追過兩個人,或者前面有一千幾百人,但係我追不到呢?
11:34出到涼亭,跟住就係大斜路,都未敢向上望過,唯有低頭慢慢行,卒之11:52到大帽山波頂。http://www.hellokeung.com/forum/images/smilies/face29.gif
影完相,二話不說就跑落山,用13分鐘落到閘口,最後12:16到荃錦坳小食亭。http://www.hellokeung.com/forum/images/smilies/face05.gif
無力挽,未能係兩半小時內完成,唯有罰自己係荃錦坳無汽水飲,無魚蛋食
.......................因為荃錦坳貴呀,落荃灣食平D。
分段時間:
09:39城門 > 10:05針頂 > 10:43草山 > 10:51鉛礦凹 > 11:34大帽山腰涼亭 > 11:52大帽山波頂 > 12:16荃錦坳
總計時間:2hr37min / 約15k(好彩O吾係14k,會比差人拉ga)