一起身己經好大霧氣, 去到東涌就見到d雲好厚, 一點陽光也沒有.
由於濕度好高, 好難排汗, 雖然有少少涼但都上得幾辛苦.
上到昂坪, d霧很大, 好像在雲中行走般, 能見度越來越底, 在昂平時都可以看到3~40米距離, 上到凰頂就只剩下20米左右.
濕度太高, 全身同頭髮都濕晒, 連眼鏡都有一層霧氣抺不走, 橫掂都望唔清周圍, 反而除了眼鏡還清, 凰頂之後都不戴眼鏡向下行了.
由於之前無定到行程, 去到伯公坳, 開始有人對之後的路線有異議, 最後兵分兩路, 我個邊下行些轉入地塘仔郊野徑, 而另一邊, 則上大東二東, 再下落黃龍郊遊徑.
以距離計, 兩線路線很接近, 但大東要再上的高度比地塘仔徑要多400米左右.
第一次行地塘仔郊野徑, 本來以為是直落地塘仔, 但初段是拾級而上, 仲好似越上越有, 大家都有點疑惑, 但中遇迎面到其他由東涌上來山友, 才放心繼續上行.
去到東涌市, 大東路線的朋友剛落到山腳, 比我地要行多30分鐘左右.
路線1: 東涌 ->石門甲 -> 地塘仔 -> 昂坪 -> 凰頂 -> 伯公坳 ->
地塘仔郊野徑 -> 地塘仔 -> 石門甲 -> 東涌
路線2: 東涌 ->石門甲 -> 地塘仔 -> 昂坪 -> 凰頂 -> 伯公坳 ->
大東 -> 二東 -> 黃龍郊遊徑 -> 赤立角新村 -> 東涌
兩條路線均約為
17km, 而路線2則要上落
多400米.
由於大霧, 預計用我的Olympus 770相機連對焦都有困難, 兼且無乜景, 所以今次我無影相.