這個星期搞家事, 身心疲累, 晚上又睡得唔好, 早上起床,一副遊魂狀態. 不能不打補針, 開了其中一樽老爸遺留下來的蟲草雞精, 一面飲著, 有無邊的思憶. 想想我那麼累,行得幾多得幾多. 好過放棄此賽事.

食過大早餐,又要預備第二個早餐係山頂食. 原來今日好多friends玩, 除Charles/Steven, 還有Vincent/Herman/Candy/芬姐…個個熟口熟面,又多勁人.都預左無獎羅.

天文台話今日密雲,稍後有雨. 點知整天又曬又熱. 頭25公里有樹蔭都舒服,不過沒有心情跑. 而且“跑步”由始至終都係我弱項. 行行走走3.15小時到陽明,順經士多飲罐汽水.

一上渣甸,畢拿山,勁曬. 更加無心機. 到大風坳遊閒去厠所,又食又影相.

到羅命的引水道,好悶. 但又要硬跑石屎路. 對腳同腰痛到入心入肺. 上山反而轉換下肌肉. 好了一些

上龍脊,卒之都抽筋,間中停下卒下左小腿. 不過都不敢慢, 皆因,有位小姐同我玩纏身玩了好耐. 還是跑到落終點

個個都好好成績, Steven當然又做快閃黨. 一到終點,我就想走人,不過有工作人員話我有優異獎(第八名). 那等埋羅獎先.

行出大馬路乘公車時,見到50-60人保鑣圍住一座佈置得美輪美奐的大宅. 相信係 “嘉亨戀”收成正果.


8:00am 山頂 >11:15am 陽明 >3:25pm 大浪灣 (共7:25分)

你都仲有心情跑兼且可以沿途影相

狀態差都有第8, 狀態好個陣, 咪要拿冠軍

而家50k都跑完, 過2個月既42k又點難都你丫

搞到七七八八,都出來發洩下. 屈係家會亂諗野
本來無咩mood影,既然行得more,影多點law
女子組頭1-10時間通常相差好遠. 冠軍該個應該4:30內小時完成.我諗都唔使諗.
唉!都未愁完全馬點跑.

所以話呢, 影開相就好難唔影.

有時諗住要做好d時間而唔影相, 但到最後都係影左.  

上年呢個比賽只係跑30K，所以落場高手唔多。不過今年轉番50K，所以見到好多熟口面ge高手。早一日都仲睇緊醫生，所以都無咩寄望，總之唔好太晏完成就得。
照慣例一早食、再加香蕉、一公升汽水、粢飯一條，飽到上心口。執齊人，影過相後，比賽在不知不覺間開始。人跑我又跑，不過用比較舒服ge速度，大約時速10K，到H40用左1hr53min，Vincent佢地在15K左右已過頭，好快尾燈都見唔到。
離開樹蔭路進入布力徑，矯陽似火，想像上渣甸、畢拉的苦況。一路上發覺今早食過D野消化得好慢，或者係感冒ge關係。去到CP2陽明山莊只係加水同?左條蕉，不過隻蕉要幾乎到渣甸頂至食得完。渣甸、畢拉都係一步步慢速上山。因為好謝。落到大風坳CP3要左個梨，不過只係咬左兩啖，發覺都係食唔落。跑到落大潭道CP4只係加水，連梨都唔?。進入引水道，發覺無幾多能量剩，食左包power gel，有少少反應，盡量跑得幾多得幾多。途中被上山下海的Candy追過。完成7K的引水道，上接龍脊的一大段梯級又是一大挑戰。慢流上去，不過都無人過我頭，相信其他人都同我一樣咁謝。到CP5，無辦法都要坐低用幾分鐘食完個梨至行，當時真幾乎入定。在龍脊都係行多過跑，過左一兩個人（唔同組別），一落到平路就keep住跑多行少，都過左一個人。到最後兩K，D標柱好似隔得好遠，仲懷疑自己行錯路，又驚好似上年咁係呢度拗柴，所以放慢左。最後用剩ge力跑番終點。
完成時間：6hr26min（第27名）

真頂癮，上年呢個比賽報ge係高級組，名次排十幾，但如果報公開組就可以排第八，所以今年轉左去公開組，點知D高手又係跟住轉組。如果今年留係高級組都可以得第十名，無計。
出年都唔知點報。

好明顯係個大會搞得唔好. 點會比人可以揀入邊個組架. 好多時d比賽, 如果符合到多過一個組既要求, 就會入晒咁多個組啦.

你可以用擇銀仔既方式去選擇下年入邊組.

基本上兩個組別無咩分別, 只係方便比人走線, 咁樣就可以吸引多D中上游高手. 因為只要走啱線, 就中手都有機會入前三甲. 但咁ge形式多數出現在較少人參加ge賽事, 好似樂善盃就唔使咁分喇.