17年大病過後, 捱過康復路上, 這半年才穏定些. 隔了一年沒玩過一百里, 見敎室教主KK CHAN搞左個新賽, 心思思報了. 沒寄什麼厚望, 隨心行, 完成便是.
賽前, 剛是聖誕紅假, 留力, 沒的出去玩. 晚8PM 才起步, 早上又閒着, 不是食便是瞓, 百無聊懶捱時間.
下著雨粉由北潭涌渡假營起步, 加上入夜,以為幾冷, 但起步跑起來幾熱. 落赤徑, 見潮汐水位好漲, 沿正統麥徑過沙地, 途經有處水浸, 不得不除鞋過. 亦見人好勇濕鞋過. 但後邊慢慢長路, 硬係除鞋啦. 為何慳呢D時間.
赤徑過公厠後轉上接鹿湖, 有個超我的參賽者, 不久就係前邊跣低左.
由水浪至沙田坳, 基維沒有CP, 足足捱17K才到沙田坳CP, 又不是全跑馬路落, 兜左入觀音山村再落, 真餓得要命.
沙田坳食番夠本才上路 (熱粥加飯團). WHATSPP 過林生, 安排佢準備下站城門私補. 天漸亮,落了畢架跑段泥路, 見到小葉坐在地上按摩, 過九龍水塘,又見到可惡的一群馬騮, 到城門比預計慢一小時
.
城門要檢查裝備, 還查得幾嚴謹, 林生久等, 還遇上DANNY國內朋友私補團, 林生報料話我前邊還有幾個女子. 唔會刻意追, 還是愛行自己步伐,食過通粉上路了.
心想粉嶺的私補真好難預時間, 林生兜路上铅礦坳與我再會面拍照, 但此站不可有外間私補, 跟衛徑到大埔CP, 林生又在此CP 拍完照回家了. 天開始放晴, 熱起來,
以為大劑, 但我行起來又沒什麼, 暖暖地好舒服.
鳯園CP沒多食, 但要打多些水上八仙, 行13K才到烏蛟騰, 過了好幾個人及女子JC HO, 到烏蛟騰CP 見到LILY 做義工, 好親切, 又有按摩服務. 食飽飽又上路啦.
去鹿頸CP 只是上一上分水坳, 好快到. 剛入黑, 但CP沒有熱食. 襯鹿頸士多未收檔整返碟MY FAVOUR 牛筋腩飯. 哇!! 果然一食上力, 彭彭聲上龜頭嶺, 也追上了CHARIS CHAN , 到鶴藪見到楚大俠, 好榮幸能陪行一段路到粉嶺CP, 好開心,
居然可在預測時間內(晚10點)到粉嶺, 以為要零晨.
粉嶺CP內, 見日本妹睡在地上, 爆左!!
DANNY 今個CP做私補, 唔理, 填肚先,見日本妹開始上大刀刃. 我食完後才慢慢上, 中途, 見到她坐在樓梯上睡.
到梧桐寨CP, 怱怱食過粥加飯團就上路, 算是打埋最後一個邪惡大佬.
大帽山正落住中雨, 幾冷下. 到大帽, 享受著三個男人服侍(林生,DANNY,細佬BENNY). 真的開始想睏. 但心裏卻想近尾聲了. 剩餘下17K.
大欖地段, 最恐怖係經墳場,
墳場不大但路好窄, 排位又亂, 天未亮, 又怕衝錯入屋仔. 硬住落到馬路跑到大欖CP, 沒多食, 加了水就走, 本來最愛行四排石, 現在見到都怕, 6K 山路腳酸痛頂著上上落落, 浮沙碎石.
到了最後一個CP 吉慶橋, 見番林生,DANNY,BENNY等住, 我停也不停, 衝埋果3K到終點, 他們也狂奔到終點等我先. 捱上最後一條樓梯跑700M 衝到終點啦!!!!
