虎年真係唔好開始!

計劃初一試龍山至新娘潭路30K,

到粉嶺氣溫得10C, 上龍山前居然落起中雨, 不得不到wc避一避. 無人, 索性同林生去埋男wc用暖風機. 吹乾衫及暖手. 雨停左D, 但都唔敢上龍山, 知道路況幾惡劣. 跳左龍山唔行, 就平路跑去上桔仔山坳接流水響, 逆TNF到鶴藪燒烤場, 上龜頭嶺又開始落中雨, 今次真係濕晒. 無得避, 好冷, 手套帶左等於無帶, 唯有急步行, 又濕又跣. 落烏胶騰路, 林生突然大叫一聲- 咬柴 !!!! 捱到新娘潭路(烏胶騰段)不得不走, 又濕又冷, 好想試兜出去宋伯士多打咭位, 都要放棄, 見275R就即彈上巴士.

計劃初三試麥9小路
林生休息, 原本試上八仙至終結就告吹, 反正都熟此路段 ,咁就試荃錦坳9段, 一入麥9由營地轉左落那段, 天陰又寒, 計劃行針草帽先後試此路段, 今日沒有態, 只能慢溜, 麥徑當然多人, 到麥9左轉落小路就一個人都無, 心理質素有點差, 中途有個男人過我, 果幾K靜悄悄, 再接麥9,已是下午1點, 餓又寒, 該是再由小路落, 但都沿大路到荃錦坳走人.  又敗走.