Salomon 50k 2022/03/05

政策朝令夕改, 又唔知邊日禁足(唔禁手), 今日唔知聽日事, 又怕隨時瀨野, 報左名無得玩就浪費.上星期完100, 無咩傷,打鐵襯"熱" 玩埋50K.

昨日已知今日最高升到27度, 上山加多1,2度. 預左爆, 頭燈都帶係身. 帶2 packs 青瓜壽司, 包1個, 鹽糖, 乾衫,風褸. 沖粉1包. 照上星期一樣7點太和起步, 上針山, 見到個太陽暈暈地, 用15分鐘慢捱上針頂, 城門燒烤場馬騮大遷徙, 一群群, 狼吞幾粒壽司加水走人. 龍門郊遊徑有樹蔭, 一直到鮮奶農場有水裝, 飲飲食食, 上甲龍見有人逐個爆.

蓮姐打水後沒坐多久繼續, 又要還陽. 沿麥徑上到停車場, 過大閘, 行行下眼前一亮, 首先離遠見到Isaac 穿左件Deep V! 原來約左 ivy, sam, kitty去尋孔雀, 話見到. 我週圍都望見吾到. 上到大半大帽, 由陽轉陰 !! 正!

狀態尚算OK, 去到上大刀刃前的亭, 3:15pm, 盤算5pm前得唔得呢. 一上, 小腿肌左右開始跳舞.唔快得. 賣老抽就弊, 一滴風都無, 中段回返, 死跑落山都係10:05hrs.力已盡, 做唔到sub 10 但時間都好滿意, 比1 月尾試路那天快14mins.