V162退賽後, 這兩星期懷疑人生中, 處於低潮期, 幸運大佬請玩COROS 100K mixed team 名 “阮氏家族越野跑” 首次合作, 臨落場的一星期, 剛剛遇上岩岩又感冒左兩日, 好番又觸及氣管又痕又咳, 信心又動摇, 天氣預測有惡劣天氣. 但大會訊息如期舉行. (咁係啦, 改期延期, 大會蝕水)

一早CALL UBER 去太子坐大會車, 大佬遲來坐第二駕, 到南涌, 已有陣雨, 臨起步更灑左陣大. 紛紛找位避雨.

8點起步, 大佬一個箭步衝去, 我條氣未順, 狀態對比V162起步差很遠, 都係行自己PACING, 上仙菇時, 好大雨, 好在有件新防水風褸.

落左一陣, 居然另一邊山沒有雨, 但已濕晒身, 落天梯, 追番大佬, 到CP1, 有紫薯BB 都唔錯喎. 補給完繼續上九龍坑山. 落山時, 不時聽到雷響, 越來越近, 我倆換左襪繼續落山, 未到紅橋收到大會訊息惡劣天氣刹到, 只行了22K, 今次大老破費了.

玩左23年山賽, 都係第一次遇上腰斬 !