4月5日 深圳>濟南
首次係深圳機場飛, 清明大鵬灣掃墓時, 得知班機延誤兩小時, 哎!! 未去玩已經唔順利！
即通知大隻丹遲兩小時係濟南機場等. 真係辛苦晒.
安安全全到濟南, 再打的去市中心, 搞好休息都零晨時份.
住宿: 山東東方大廈 (濟南火車站趵突泉 $331)
4月6日 濟南>高鐡>泰安
見濟南一早就有雨, 心情即下沉
, 但都要出去食早餐, 自助特色早餐又平又抵.
食完仍下雨, 都幾寒, 冒雨行去趵突泉, 入園40蚊, 回憶18年前同爸媽跟團去過的山東勝地, 趵突泉係其中之一. 之後行去黑虎泉, 免費入場, 參觀後盪左去濟南寛厚里, 係條食街, 10蚊的羊肉串超好味. 去大明湖行下, 最後再行去千佛洞遊覽. 又濕又寒又冷左成日, 臨走時, 天氣好轉, 沒雨, 大隻丹帶我地去食地道東北菜, 羊雜湯好暖身, 黃昏, 太陽終於出來
搭21:04高鐵半小時去到泰安 , 打的去酒店休息! 累了
住宿: 花築: 山上人家民宿(泰山紅門店) $298 一張特大榻榻米床3人睏
4 月7日 泰安~泰山
一早見到天晴, 好心動,
但天仍然好寒, 打的到紅門入口, 食過早餐, 入場費$120 由底慢慢行上, 途經好多廟宇, 亦好多喵喵恭候, 一路上山, 見不少觀完日出的遊人拐下拐下落山. 上山人漸多, 接到索道, 回憶那時旅遊車該是停在此處.
有個阿伯挑4箱500ML 蒸餾水運貨去半山商鋪, 真係高手在民間. 十八盤是泰山登山盤路中險要的一段, 共有石階1600 餘級到南天門. 途經五嶽獨尊的石群去玉皇頂, 歷經百年滄桑”五嶽獨尊”四個字是正楷書體, 清光緒公元1907年由泰安府宗室玉構題書.
溜走了一輪,係時候落山, 遊人多數以原路上落, 我地揀天燭峰下山路, 居然沒有遊人, 途中有一隻好熱情的花貓, 好可愛. 到山腳, 原來係一處以前繁華的入口. 現在已荒廢了.
恰巧山腳有巴士返民宿, 民宿附近找到好野食! 成日無食野, 今次食到捧住個肚.
食完拎寄存打的出火車附近酒店.
住宿: 中達御景酒店 $194
4 月8日 泰安>高鐵>青島
坐高鐵到青島都11:30AM 左右, 想找間酒店放行季, 但好多都唔收港客. 激死! 浪費好多時間找酒店. 揹住行季行棧橋, 德國風情街, 最後網上找到一間可收港客,打的去酒店. 呢間算係幾舊的酒店, 但勝在地點方便及有3張床, 放了行李, 就快步去青島啤酒廠. 入塲費$85蚊, 其實每人限一杯純生, 不過厚面皮拎多杯比大隻丹.
之後打的去八大關, 原來同爸媽有張相係呢度影, 一直都忘了在那兒影 大隻丹係網上找到呢個哥德式融合俄羅斯瑟風格的叫花石樓. 又了左個心願.
參觀完後, 係酒店附近找左陣食地道東北燒烤! 正!
住宿: 星程酒店 $312
4 月9日 靑島~ 嶗山
一早連行季打的去嶗山寄存, 真係好方便, 寄存都係免費. 巨峰遊覽區入場費$120 包旅遊車上到半山, 再行上嶗山. 同爸媽那時跟團, 只得去太清遊覽區, 以為星期日都好多人, 幸好都沒泰山多, 嶗山山勢險峻, 另有特色, 不是有人工建路上, 都好難到頂及橫山腰行, 落山到旅遊車返都好順利.
最後有時間可去埋五四廣場, 觀光行程已好滿足.
大隻丹因公事要早一日返香港, 所以改了機票當晚飛, 買過青島手信, 食過碗麵就坐地鐵去機場酒店,
住宿:青島國際機場司君廷酒店 $350
4月10日 靑島>深圳
住機場酒店, 可以遊閒一些, 去機場食過早餐, CHECK IN後, 回酒店收拾, 絲絲然登機返深圳了.
兩人費用:
幾天連機票食宿費用RMB7458
深圳>濟南機票 HKD2626
相片
