今日 10 01 10, 一個咁有趣既日期, 今日至少望到3單結婚佈置. 原定行蚺蛇北脊, 因為呀德終於閉關完畢, 所以轉一條易些少的路線.

路徑明顯, 有些崎嶇, 但沒有險位, 頂多只是慢慢行就能過那些難位. 基本上只是一上一落, 直接了當. 今日煙霞及霧氣很大, 尤其是上列高位, 根本看不到遠景, 有點可惜.

沿途大部分時間都見到好多人, 實太熱鬧了, 在昂平更見有人玩滑翔傘及搖控滑翔飛機, 吸引了大批山友注足觀賞.

行完, 出去西貢, 4個人去食下午茶, 竟然係食海鮮, 認真豐富.

路線: 恆安村 ->馬鞍山村 -> 雁谷迷徑 -> 馬尾脊 -> 牛押山 -> 馬鞍山頂 -> 馬鞍山坳位(麥理浩徑) -> 昂平 -> 大水井 -> 西貢市 (11km, 4小時30分)

全部相片: http://www.hellokeung.com/gallery/photo_n262/
.

開始入山徑	剛入雁谷迷徑
熱身	有繩玩
哩個位睇風景一流	兩步就到,唔會跣得好遠
可望整個吐露港一帶,可惜天氣差	馬尾
牛押山回望	牛押山前望
馬鞍山頂	接到馬鞍山坳位(麥理浩徑)
昂平	見到西貢市
竟然仲有咁大個嫁娶花牌	下午茶食海鮮仲有支酒添

.
全部相片: http://www.hellokeung.com/gallery/photo_n262/

今過份帶支人頭馬去行山?上山拿出來騎就唔使行都我老抽啦!!!!

行山為名，腐敗為實

腐敗萬歲

回復 #2 ericlee 的帖子
支酒係Tommy即興買既, 你想係馬鞍上騎馬咁爽


回復 #3 SW5516 的帖子
因為Tommy今日情緒好高漲, 未起步已經叫住要食大蝦, 可能係受到上星期參加耆英隊後食個餐影響

你地唔應該被老人家同化
行山之意不在動,只在乎飲飲食食之間
因住已後行就行兩粒鐘,食就食海鮮,飲就飲洋酒

同化? 我不嬲都唔喜歡行山, 只係喜歡睇風景, 仲要開爐煮食至係我既sytle, 乜你唔知咩

酒肉穿腸過，佛祖心中留呀，施主！我不入地獄誰入地獄。
我地已經係揀殺傷力較少既贍固醇敗類去殲滅，但殲滅贍固醇係長期戰爭，要搵多D人一齊殲滅至得。<br />
睇相！

我諗住都係講下. 點知tommy真係咁興奮. 仲醒多支洋酒.真係多謝晒呢個富貴下午茶有好野果腹.

原來你係挑起佢條筋

就我個人記得,佢都好耐無在行山後,午飯或午茶時段飲烈酒了

咁你要問0下佢咩0野咁高興，因為一開始無耐佢就話落山要請小強食蝦（通常呢D情況係因為佢自己想食蝦）。飲0左1支啤酒都未夠，食食0下仲竄出去買支「馬爹利」。

可能凍凍地,[脾]酒唔掂,要飲烈酒殲滅贍固醇
ps.你地連續兩年,都在年頭行這條路線,自己都無份