對上一次行呢條路都已經係3年幾前，當時小七都有六人出席，但今日............唉！

今次在麻雀嶺下村落咗小巴，但搵返條路，原來係上村至啱。沿大路入無咩阻滯，好容易搵到上山路，但未上山已見山上有大隊山隊約五十人。
一直上山都好順，無太陽，氣溫清涼，實在太舒服。扯上第一個緩坡已有近400米高，見右面尚有個尖峯，上次未有一探，今次試探，但一峯後又有一峯，最後深入700米，以為上到紅花寨489，再set表（事後睇地圖係440山頭，已深入禁區約1K）。走回頭路回主徑直上前面主峰（已為係紅花嶺，實情係紅花寨），見個表係535當堂迷糊咗。唔理，見不遠處有標高處就殺上去（事後發現那才是紅花嶺，全日最高點492）。其實我地無溫書，小強上次都寫得好清楚邊度係紅花寨同紅花嶺。
落山接回石屎路，直落禾徑山路，中途仲落好密雨，好彩都就行完。落到馬路轉向長山古寺一遊，結束行程。


Tommy今日金句一：小七名全實亡！
Tommy今日金句二：今日D慢腳無o黎，扯到鬼死咁快。

Tommy 金句...  "小七名全實忙" <<< 好句...

要從新畫分排名

A組 - 悠閒隊
B組 - 辛苦隊

Tommy,
作为超慢脚，我好明白你被扯爆既感受

今日我地只係行10K唔夠，即係A組悠閒隊。強記，你去B組辛苦隊啦，每次要行夠20K至可以走。

慢腳咪指我囉

Tommy佢口就話快，其實佢都不知幾從容。
今日實情都幾舒服，水都唔使飲。

10K都可以好甘既, 你地行中途, 打俾Tommy, 即刻鬧鬼咁"洽"老人家

計組團, 我上次搞得5K幾, 你地10K, 多成倍喎.

計比賽, 我20K, 你地37K.

明眼人都睇到啦.

車！你打比佢果陣都已經行完啦，佢仲話呢D難度同距離最適合佢。