中秋夜潛項目都玩咗幾年，貪佢凌晨都有車撘。雖然早一晚有雨，好在之後都好天，無須取消。
今年有4人出席，原定11點起步，但撘車入西貢失預算—遲咗。
11:45pm由西貢市起步，行牛寮上接麥徑第4段。轉上馬鞍山由Sara領放，點知越放越快，係咁派貨，卒之..............都係要慢番。上馬鞍時追過 1 or 2 隊人，01:17到馬鞍坳。一路過昂平、茅坪，上打瀉油坳回望時都仲見先前過頭嘅1隊人頭燈。過萬里長城時迎面遇到1隊人，萬里長城過後回望再望唔到任何頭燈。
03:42出到基維爾，過大老山，普遍樹林位都幾濕滑。04:24到飛鵝山道，考慮時間同路況，所以決定慢溜落沙田坳、慈雲山。途中望夜景時見一陣濃煙由Daimen屋企附近升起（回家睇新聞至知係慈雲山巴士站燒巴士），落到慈雲山、黃大仙各自散水。

連續玩左幾年夜潛 都算係中秋出來助下慶

都話你地唔慢得架啦, 又要"過"人

都叫你地慢慢行啦, 太快, 無去飲茶呢!

我地唔係太快，係慢咗，本來諗住行到出大埔道，再落太子飲茶，無奈...........

http://ridewithgps.com/trips/391354

有20K咁長咩？

爆

要重新評估步行速度分配囉!

係呀，最熟悉身體狀況係你自己，有貨無貨自己知。科學D方法就係用心跳表，但土法都係要唔好咁喘氣，上完山行一陣就回氣為之仲有貨囉。長途一定要留貨ga。