兩年都沒有外遊, 襯復活空當到台北掃街, Charles講得兩咀國語兼曾台遊兩次. 有盲公竹,都係選擇自由行.

酒店係台鐡捷運的台北車站上,很方便到處去. 幾天,已經去過西門町夜市,士林夜市,師大夜市, 淡水老街, 漁人碼頭, 紅毛城, 總統府,中正紀念堂等等觀光地點, 為了食,都連踩了幾次西門町及淡水老街.

落機,第一様想試硬係蚵仔煎,牛肉湯冬粉 (即粉絲),魯肉飯.

講就講牛肉湯,但沒有牛肉,只係湯有牛肉的鮮味,很“酥”很香,食完後,成口”酥”味維持了幾個鐘.

一見有人排隊去買都係出名食店,去士林那天, 一件豪大大雞扒(台幣$50,即港幣$12.5),有成張A4紙咁大. 一杯大大杯珍珠奶茶,都只係台幣$30,即港幣唔使$10,又多煙靭珍珠. 簡直同仙跡岩無得比.

西門町有老天祿滷味,那要試試滷鴨舌. 仲有阿宗麵線, 七八成都係香港人光顧.好似去了旺角

係師大夜晚試了個牛扒同羊架鐵板餐,兩個加埋都只係港銀$83.

到淡水, 老街和漁人碼頭都係魚港,最多鮮魷魚,墨魚,係膽固醇殲滅者的好地方,鮮魷魚就咁用水煑都十分鮮味. 酥炸更加野味. 我地試食已經飽飽. 除魷魚外,仲有一種食物叫 “阿給”, 即炸豆腐內有粉絲. 好新鮮.

街頭小食不能盡錄, 試過沙威瑪,烤臭豆腐, 都十分好味.

台北食行都比香港平. 雖然多街頭食市, 不過地方都十分乾淨. 唯一不好就係大多食肆都係用即棄食具.

另外,最吸引Charles都係台灣係單車勝地. 出街都有好多車黨碌住架車週圍踩. 唯有等次又或者再下次去有機會踩車環台遊

試過的食物如下 (有d已經唔忘得左):
台幣
$50 豪大大雞扒
$10 水煎飽
$40 阿宗麵線
$30-$35 珍珠奶茶
$150 牛排餐
$180 羊架餐
$35  大肉圓
$35 阿給
$50 蚵仔煎
$30  烤羊肉串
$30 魯肉飯
$70 沙威瑪

好耐以前去過, 我覺得台灣個d蚵仔煎同大塊炸雞扒都無香港個d咁好食.
果時都未有烤臭豆腐哩樣野, 而一般既臭豆腐就完全不是香港個皮.
至於膽固醇集中地, 當然係膽固醇殲滅者既至愛啦
係台灣可以租單車, 仲唔一定係cheap野, 有牌子個d都有得租

我上次去台灣應該是 4 年前
該次主要都是食

但個人比較喜愛台灣的水果

香港口味唔同台灣ge

台灣的水果比香港貴呀. 佢地愛將生果切好一袋袋(好似泰國)買, 買時會問你愛唔愛加梅粉, 我都買了一包梅粉返屋企試過, 台灣好多騎呢食法

有無食台灣人氣水果

咁即係咩野水果

粘左好多由人排出來氣體的水果, 簡稱"人氣水果"
另外仲有小人氣水果及小腸氣水果.

周街都係啦,唔使試

貴係貴的
但佢地的菠蘿同蓮霧真係好好吃

台灣係第3次去，亦係最掃街、最飲飲食食的一次。
淡水都係當地人的旅遊點，不過香港人仲多，但感覺都唔錯，適合影黑白相。如果再有時間就想去九份，近近地但都要一整天時間。若果可以托架單車去遊台灣就更爽，因為當地對單車旅遊的配套非常好，週圍都見到人踩單車四圍去。