與美琪首次正式約會, 竟然係2日1夜, 不眠不休式的27個鐘閒遊, 由好精神行到好眼訓, 由炎熱下午行到潮濕的深夜, 再去到寒冷的另一天, 一次過經歷好多好多.
下午4點去到大埔富亨村會合, 慢慢閒遊大埔海賓公園, 至6點半就在沙田食晚餐, 之後再與樂山行的朋友乘巴士到水浪窩起步.
一早講明是非常閒遊, 所以各人都行得好慢好慢, 好多大休時間, 所以6個鐘才行完麥徑第6段, 開始下雨, 雨越下越大, 大家便停在扎山道閒聊個幾2個鐘, 決定改行程, 將會明天跟Andy行大潭.
待無雨, 我地再下往沙田坳獅子亭, Mark名Tim帶了極大量食物分享, 但由於只行了一段多些, 各人都唔多肚餓, 所以食物滯銷剩下不少.
剩下4人在黃大仙踏地鐵往灣仔, 等夠鐘, 7點去銅鑼灣運動場沖涼換衫, 繼續另一天行程.
由於Andy活動在下午2點後, 又要慢慢行, 找地方坐下, 傾下計, Mark同Tim勁風趣, 時間就過得好快, 可以往Andy活動.
去到, 佢地已起步, Mark透過walkie同Andy通話去追隊, 最後竟然追過龍, 原來行了另一路線, 所以要等返大隊, 之後齊齊去大潭水塘.
Andy今次帶行大潭水務文物徑, 兼全程講解, 不過只聽了部分, 我同美琪只是在附近周圍閒逛.
由於太累了, 原本活動仲有加料, 都唔參加了, 在大潭道撤退.
路線: 大埔富亨村 -> 大埔海賓公園 -> MTR -> 沙田新城市 -> BUS -> 水浪窩 -> 沙田坳 -> 黃大仙 -> MTR -> 灣仔 -> 太右城 -> 大風坳 -> 大水務文物徑
全部相片:
http://www.hellokeung.com/gallery/photo_n269/
.
水浪窩 | 
昂平遇見理工旅協 |
扎山道亭內的美琪與我 | 
扎山道亭內的團友 |
沙田坳獅子亭 | 
柏架山道 |
到達大潭水塘 | 
在大潭水塘主壩上 |
羅馬式柱橋 | 
穹橋 |
.
全部相片:
http://www.hellokeung.com/gallery/photo_n269/
