林生昨日無那那拗一拗，對腳就開年不利，今日要抖一抖，改為踩單車。
話o左要去南生圍好耐，今日正好風和日麗，大地回春，正係出車好日子。咪咪麼麼攪到11點至出發，撘西鐵入元朗好快就到。首先直踩入南生圍，沿路都已經見到好多單車、汽車出出入入。入到去見有D以前好長草的地方已被修成草披地，可以放搖控飛機、放狗、放人、放車單。南生圍係香港所剩無幾鄰近城市的自然景點，雀鳥、漁塘、樹木，加上遠景ge雞公嶺，可以寧靜攸閒地渡過一個下午，絕對有外國feel。不過今次去到已見部份樹、草被燒毀，唔知係咩人所為。
13:50南生圍出來，再經元朗過朗屏，向屯門方向。一路都有單車路，15:32到屯門西鐵站，15:50到三聖村。本來打算在冬菇亭食過晏，點知多數都未開，唯有走頭。過小欖之後放棄行人路轉踩馬路，速度當堂快好多。17:00去到深井至可以坐低食晏，快餐同下午茶麵餐都只係$28同$21，無新春坐地起價。17:30再起步，唔使半粒鐘已返到荃灣。在荃灣買些小生果就返歸，19:00點返到屋企，玩足8粒鐘。

元朗 ﹣南生圍 ﹣元朗 ﹣朗屏 ﹣青山公路 ﹣兆康 ﹣屯門 ﹣掃管笏 ﹣青龍頭 ﹣深井 ﹣荃灣 ﹣青衣
全程：50K

"不過今次去到已見部份樹、草被燒毀，唔知係咩人所為。" 報導好似話"自燃" 上次大角嘴有人收購唔肯賣都係"有人自焚"

Charles傷都無得休

踩單車係膝頭同大腿肋比較受壓，腳跟位無咩大礙。

基本上jojo放假,佢好難休息.
不過自己都係咁. "傷左"都無咩點休. 最多見黃綠醫生.

正正正, 請問幾時再去, 可以唔可以跟麻你地出發~~~