今日Maggie請大家搭360，有便宜嘅嘢就梗有我哋份啦。11個人包咗個車廂，10分鐘車程，可以從高空清楚望到好多山路行。
經過「與佛同行」、「靈猴影院」洗禮後，即時頓晤，要上山修練：常試縮短痛苦時間，得到解脫早登極樂。最後只得我同JoJo上鳳頂，其餘各自修行。
1:20由「鳳凰觀日」牌坊起步，30分鐘上完天梯，眼前驟現雲海一瞬即逝，立即加快腳步2:00攻頂。雲海再現，美不勝收，hae咗十幾分鐘先至繼續行程。落伯公坳如入霧中，直至上雙東近頂至有小小天見到。
全日好濕好焗，流汗不止。落完黃龍坑，跑出東涌路，4:35收工。

第一次搭360 , 多謝maggie
第一次見雲海, 以為睇完與佛同行,上山修行, 自己成左仙

落伯公坳如入霧中

  行過3-4次, 呢段通常都係咁... 只試過一次是好好天的...

但呢日天氣，我情願在雲中好過曬住行。