一早預報有雷暴,昨日又落o左成日雨,所以無出隊。
起身見只有微雨,所以計劃濕操大行動。10:14針山腳起步,用29分鐘KO針山。因為濕滑關係,落山相反要格外留神,所以都慢番D。
天陰有雨,溫度實在適合操山,所以上山感覺速度都比較快D,11:35到鉛礦凹完成第七段。上大帽时路況顯得泥濘,用44分鐘到四方山。接上大帽頂,越上雨勢越大,行完「奪命斜路」都全身濕透。再上時都應該係黃雨的雨量,加上强風,雨點打在身上都好痛。到大帽頂時亦係全日最大雨時刻,聽到雷響,立即飛跑落山,只需23分鐘。
沿途都越過小量操山同行山人士。須然全濕,但感覺良好,一個字形容—「爽」。
10:14針腳 - 10:43針頂 - 11:35鉛礦凹 - 12:21四方山涼亭 - 12:42大帽頂 - 13:05荃錦凹
全程15.9K - 2hr 51min,耗水400ml