今日特意推出大明大路短線遊吸引小七成員，點知逃亡潮未過，只得Daimen歸隊，夾埋Edmund一齊上大帽尋找傳說中ge捷徑秘道。
由城門直上鉛礦凹接麥徑，見「HK100」check point 仍有參賽者到達，我地就沿麥徑上大帽。在冬日下上大帽，唔凍又唔熱，感覺實在太爽。
過四方山後，上完奪命斜路就係傳說秘道入口，見到有路胚。點知行唔過30米就有樹叢阻隔，路徑似有似無，四處遍尋不果。覺得如果捷徑要撥草穿林就唔應該係捷徑，所以放棄。
大帽山落山轉向妙高台，出川龍，再下行至引水道，轉向圓玄學院出荃灣，全程20K。

暖暖冬日陽光!

今日的行程對我好新鮮 , 下次又要試新線

只要離開該四大路徑,對於你來講, 條條新路, 可以慢慢玩

逃亡潮未過... 寒流過, 逃亡潮就過架啦...  

今年寒流特別長，小七咪係進入冬眠狀態？

呢個時候應該係行山跑山季跑喎..

因為只錶找不到衛星,所以D數據是無咗頭個段
Garmin -> http://connect.garmin.com/activity/63850713
自己始終都是比較喜歡用Google Earth
只要在Garmin 按"Google Earth"

昨日行到近尾聲，發覺對Nike個底有D甩甩地。正開始有小小鐘意對鞋的時候（話晒毅行、樂善都PB），佢又捨我而去。
唉！半年內著難兩對Nike，唔通Nike興甩底。
年關又近，仲要搵錢買鞋................

哈哈，你跑少d,对鞋咪kum d 0罗......

對鞋落地之後就要經常用。上次對Nike就係因為放埋太耐，再用時甩底收場。我諗跑多跑少，跑長跑短都唔差太遠。