第一次玩KOTH，點知揀着西貢站成37K鬼死咁長。

一去到北潭涌見到高手雲集，以一個小型比賽有咁嘅場面，我地唯有冀望唔「包艇」就算。因為又未玩過，都唔知要幾多時間至返到來。

因為全程同半程都一齊起步，所以入鰂魚湖就塞人。不斷跟住人跑我又跑，過榕樹澳CP1後D人開始散散地。之後過深涌、蛇石凹、南山洞、出白沙澳、海下都係大明大路無咩特別。

過海下後即時右轉插上密林陰徑，好多人當堂企左係度，又雞手鴨腳，又要睇頭睇路。過山頭之後接回大灘郊遊徑，多左其他遊人，但都一路有沿途叫「加油」打氣，氣氛都不知好過渣馬幾多。半程終點設在大灘，用左2hr43min。

繼續再去就只有全程組別，人都比較希疏。望住個地落斜同平路就跑，點不知miss左出東心淇個岔位，走左兩分鐘至比人叫番轉頭。出東心淇回程上山，對腳被草同樹枝不斷磨砂。接回老麥轉落赤徑，跟住轉上鹿湖郊遊徑，難關才正式開始。

上山途中追上Simon，即時影相，然後繼續。出到西灣路CP5，開始感覺接近尾聲，不過都仲要砌田尾山同大枕蓋。一路上，對腳一路被刮，不過都過左好多人。落大枕蓋見前面有好多人，但都只能追近，捉唔到人。跑落萬宜路又過左D人，但要轉上上窰郊遊徑，仲有3K路，但又係冗長的3K。一路跑，不停地跑，但好似跑極都未到。出番萬宜路，臨尾幾百米，仲有暗斜，都要比幾個人𠝹番轉頭，真頂氣。
最後37.4K，5hr59min完成。

30幾k既跑山賽, 都仲有時間企定定影相

嘩!Charles出tight喎, 咁咪開turbo

仲陰? 咁多人穿過, 陽晒啦

本來昨日嘅溫度係可以着短褲，但有幾段路實在係草長括腳，長tight係用來破草。昨日時間都唔算快，半程2hr30min左右，全程5hr38min。
全程總落場人數係126人（包括男男女女及所有年齡組別），我都只係排62，所以係好多勁人。

細賽一定多勁人, 普通人都唔會知個比賽去參加

仲有佢個時限都只係8粒鐘，好多想試的人都會望而卻步。

見條線都幾有新鮮感. 咪試下玩下囉... 一舊水, 幾好玩喎.
咪係,得八粒鐘, 我返來都差唔多包艇! 尚算窄窄地可以同班勁人一齊玩.

11/12 season 一於出晒四場 , 350 蚊好抵呀

跑半程已经想死，差dd就包尾

跑到想死即係你已盡力，慢慢o黎啦。

多谢你既鼓励啊~ 会继续跑架

硬係keep 住啦, 過多兩個月又係毅行抽籤啦.

即是無得停

我至少半年係悠閒

嘻嘻，即系全年无休.....

運動~點可以停架, 要持之以恆!

當然啦!

卒之搵到幾張相。