近幾個星期都天氣不穩,好難決定山、澗線,所以有興趣嘅至會電聯問出隊
。昨日有過大雨,好在今日唔信邪照行澗,個天好到呢....;啲汗流到呢.......;但啲水涼到呢.........有人冷親。
Sara第一次玩澗,著Teva涼鞋可以隨時落水,不過鞋底就跌小小,但都可以跟得上。連日有雨,今日都幾大水,走到中段龍珠瀑頂玩咗一陣水療降溫,簡直唔想走。Sara仲發現野生果實,都幾香同清甜,但唔記得叫咩名(唔記得影相添),以前經常可買到食。越係再上就見到越多遊人,去到霜碧潭大休食西瓜,爽!潭面闊可游、水夠深可跳、瀑適中可玩,的確係唔錯。再上繞絲溪,尚有雙瀑潭、繞絲溪大潭,不過我哋要落鹿頸尚有一大段路要走,所以無再浸水。
出澗後走橫七古道落鹿頸,搭小巴去粉嶺,Tommy啤酒蟲又咬喇。
P.S. 呢輪都會好多人買澗鞋