酷熱依然,澗亦行到七七八八,揀到無得揀唯有揀北龍(呢條澗大家係有D禁忌)。
昨日操完山,諗住今日hae少少,所以帶咗好多生果,點知Daimen又話生理有問題(病),卒之只得3個人食好多生果。
北龍相對於黃龍係屬細澗,忘記呢幾日大嶼山無咩雨落,所以澗道若隱若現。經過幾個潭瀑都因為較陰同樹葉多而無落水(事後發覺原來上次浸過)。行咗半個鐘,汗亦流足半個鐘,卒之見一開揚小水潭落水降溫食哈蜜瓜。Hae咗幾個字再上路,一路只再見一滿樹葉的潭,走了一粒鐘到天書壁出澗。
無驚無險,仲打算落黃龍頭的大嬉水池浸多野補數,點知婆髻落山無丫丫PK了,左臂同右膝都撞傷,但好彩無爆缸。
/>
落咗山,點都係要入黃龍浸一浸食生果條氣至順番,然後至施施然去tea。
P.S. Tommy金句:今日似行山線多D,呢條澗都係無下次