呢個網頁有台灣遠足、露營、環台單車旅遊。攝影師觸覺敏銳，人物同風景都影得好靚，直情係勁呀。

http://www.frogfree.com/

http://3349.frogfree.com/

每年雙十節都有特惠機票去台灣，不如叫強記組一團台灣遠足之旅？
我第一個報名！

如果行得開，我都好想去一次。在三千米高山上露營，睇日出、睇雲海。就算0吾露營，台灣都有好多行山路線，亦有好多書介紹。<br />
真係諗0下都開心。

年年香港的行山團都會搞去台灣玉山, 好似好出名下

強記，就攪一次啦！雙十去完台灣我仲趕得切返香港參加表姐婚禮呀！
有得玩就開心！

我都好想玩

會唔會只有中華才有特惠機票去台灣架., 有d危喎

要睇0下機票幾多錢，值唔值搵命摶。

車，我坐過啦！一Ｄ都唔差！空姐靚過哂國泰個Ｄ。每年雙十國泰、長榮、中華加上新開「立榮」（只飛台中，其實仲好！）都有特價票，有時連酒店埋單三千左右，真係值得諗諗！

三千左右 我睇d雜誌, 遊行團去玉山都唔洗2k喎

加哂價啦喎！舊年個價咋？ 當然唔使三千就更好啦！少過二千反而要想清楚呀！咪鬼好似大陸人來香港１０００包機票食宿咁比人搵笨呀「鬆Ｄ」

其實去台灣需唔需跟團？以前我去台灣，由台北搭火車落高雄，轉巴士落恆春，再轉巴士到墾丁，最後租單車踩到台灣最南端ge鵝鸞鼻。九日行程，一個人買車票、租房，都無諗過要跟團，買張機票就去。

去台灣就唔需跟團, 只不過搵個參考價遮.

local guide 大約HK$1100, 而家台灣來回機票都只係$1000, 如果10月有平機票, 咁加埋咪唔洗$2000
http://www1.payeasy.com.tw/176/mego/climb/pid/yu.htm

就咁啦強！
如果露宿荒山，一個仙都唔洗俾呀！
不過如果我地人少少，仲可以去我係花蓮／台中／台南的朋友屋企。全部都好好人。台南個朋友一家三姐妹可愛到死呀
而家籌備差唔多啦！

你哩個係咪用來招攬人去既用詞呀

傻架你！我講緊佢地可愛係小朋友好得意個Ｄ呀
心術不正呀你

係咁樣講穿左, 就好難再找人去了

車．．．咁你究竟想點架？你想吸引咩人去架？我去行山同探我朋友的妹妹架咋！唔通你地班男人有特備節目？

有得你食同住仲咁多要求。<br />
朋友多真好，可以四圍「癡」飲「癡」食。

>仲可以去我係花蓮／台中／台南的朋友屋企

都無話可以黐飲黐食, 只係去行下jar

台灣人好好客架！一定可以住咯！只係你好啥好意思餐餐要人請口者

我意思係話黐住人家帶你去飲食地道0野jar，台灣好多地道0野食ga。

係有好野食先好喎, 十幾年前去過台灣一次, d野好難食

我都有一個朋友在台北, 一個在台南

強，有咩你係覺得好食架？好似你食咩都話唔好食架喎。我覺得台灣Ｄ野好好食，從南到北有唔同口味。好唔好食好取決於你對不同口味ge接受度。

當個廚師掂的話, 好多野都好好食, 大部分既日本菜, 美國菜, 意大利菜, 廣東菜, 上海菜... 都好好食. 但個次台灣旅行, 周圍去食野, 但無一樣覺得好食...., 大部分食物都係得個辣字無味或係血呀腳呀個d野食  

頂多係得個臭臭鍋係正常可以食遮

唔係喎！蚵仔煎、蝦卷、擔仔麵同臭豆腐都非常好食。仲有花支燒．．．強，你去錯地方？
不如下帖回你相比過你睇？

強，睇睇岩唔岩胃口先？

嘩! 竟然年頭仲去埋台灣添, 飛來飛去, 真係有$的學生

宋楚魚

有碟魚生, 奇怪的配搭

好似唔多覺影左乜野好野食喎. 肉燥飯可能會幾好吧.

旗津港係出名海鮮，不單有各類貝類海產，仲可以即食魚生！強，你究竟想食咩架？

牛肉麵, 滷肉飯

你可能長期受港產的台灣飲食文化影響，淨係知台灣有牛肉麵、滷肉飯、又或者珍珠奶茶。其實台灣由南到北、東到西都有唔同的地道美食，但好唔好食就睇各人口味，食落口至知。
<br />
你睇番我條link: http://www.frogfree.com裡面有輯相係踩單車環台，去0左好多地方，亦有我到過ge墾丁，去到邊食到，好爽。

wa!!! 睇到都流晒口水
佢咁鐘意燒烤,總之咩野都係燒烤都得啦

燒野食, 燒走晒d脂肪, 健康d架

夏天唔燒烤喇，留番冬天啦，到時再攪D新菜單。

單車環島遊？都好喎。你有經驗，不如你 lead team 啦！我實參加！行山加單車，正呀！

係呀係呀！淨係早餐都超好味！豆漿、黑糖饅頭、或意麵，好食到流口水！台式牛⻆包 yummy！

Charles應該放棄左踏單車了吧

仲未。年幾前一齊過澳門踩車的朋友都想再去澳門一次。
早前仲諗過過台灣踩，飛機到高雄，搭車落恆春再踩車落墾丁。有四五日時間就得。

好喎！可以係墾丁潛水，然後先至返台中行山！